RE' HOJ.
Hoj juntzohq chi kꞌacharel tzꞌihmbꞌimaj chi korik, chi maꞌ reꞌ ta reh sikꞌbꞌal tumiin, maꞌ reꞌ ta woꞌ reh kojbꞌal ajabꞌees. Hoj juntzohq chi aj kamanoom, kꞌahchiꞌ qakamaneem wach i reh reh wach chi kamanik haj wilik hoj tijimaj wiiꞌ chꞌiil haj wilik qojchol ribꞌanarik. Hoj juntzohq chi kꞌacharel nqasikꞌ riij qatoꞌbꞌjik reh chi narojik eloq wach chi korik haj wilik qakapew-bꞌal chipam qakamaj.
Reꞌ qakapew-bꞌaal
Nqaj qilom chi nakikowjik cho i holohaq laj noꞌjbꞌal chipam qatinamital eh nakichopom kiraꞌil chipam i holohik laj bꞌanooj, chi jeꞌ reꞌ naqayeꞌbꞌ chi ehtꞌaljik taqe holohaq laj noꞌjbꞌal nbꞌanarik chipam qayuqꞌul. Nqaj chi naqakꞌihik chiqunchelal chipam taqe reh reh wach chi tijbꞌal chi jeꞌ reꞌ suq naqakꞌam qiibꞌ ruukꞌ kinoꞌjbꞌal i tokoom chik tinamit chi maꞌxta qakꞌixꞌik ruꞌum i qeh i hoj.
Reꞌ qakamaj
Kꞌahchiꞌ qatowik chiriij rikowsjik taqe holohaq laj noꞌjbꞌal chipam qayuqꞌul i hoj aj Maya ruukꞌ taqe qakamaj nqaꞌn pan qaqꞌorbꞌal hoj asjanaq wiiꞌ, reꞌ taqe rijalarik pan qaqꞌorbꞌal reh reh wach chi huuj chꞌiil i qꞌorik pan radio on pan televisión, jeꞌ woꞌ ruukꞌ taqe ritiqꞌinjik i huuj reh tijbꞌal iibꞌ pan taq qabꞌixbꞌaal.
